الشيخ شفيق المغربى
عفركوش برتكوش
الشيخ شفيق المغربى
جاتله بهانه بنت جمعه
سألته عندك مطلبى
رد وقال جلب الحبيب
رد اللى يغيب شاى
بالحليب سكر زبيب
أو سحلبى
أنا سرى باتع وسيطى سامع
أعمل حجاب يفتحلى باب
للجن كارى ومذهبى
بس أدفعى طلبات الأسياد
وأوعى يغرك دور عناد
وتقولى مش دافعه أنا
تتسخطى قرد لمدة سنه
الطلبات بسيطه ومتقسمه
مطلوب دفر كتكوت دكر
وشبه وفسوخه نوع مفتخر
مطلوب كمان عين عنكبوت
وحلق دهب وديل قرموط
وغويشه طبعا أو سلسله
ساكته ليه ومتبرجله
يابهانه حلي المشكله
وطلبك مجاب هرد اللى غاب
ياللى أنت كوره ف ملعبى
عفركوش برتكوش
الشيخ شفيق المغربى
*****************
*****************
يانوال يا بنت أم أسماعين
هعملك الحجاب المتين
مقري عليه ومتزخرف
هيخلى جوزك أشرف
يبقى صميده بأمر الله
بس هاتيلى أتره معاه
وبدل ما يشوفك قرد
مسلسل هيشوفك
ياسمين صبرى
بس أنت هاتى طلباتنا
وتجيلى بيها من بدرى
هعملك بودره مسحوره
من عرق الجان
هتخلى السوده بنوره
وبصوت كروان
بس أنت منها تشربى
عفركوش برتكوش
الشيخ شفيق المغربى
كلماتى ابراهيم الحداد
ليست هناك تعليقات:
إرسال تعليق