( ياقطر مالك )
بقلمي الشاعر/ محمد غبن
شاعر آل غبن وسفيرا للسلام الدولي
27/3/2021
ياقطر مالك قولي
توهت ولا أيه عن .......الطريق
إشتعلت النار ومات اللي
عليك معرفه أو أهل أو منهم صديق
إيه بس جرالك كل يوم والتاني
نصحي علي حادثه...... وحريق
او تصادم ليك أو لإخواتك
قولي العيب فين أو من.... مين
يكونش مننا الركاب
ولا م الساده........ . المسؤولين
الحكايه بوخت كل فتره
وفتره ناس مصابه وناس ميتين
أنت شايف ايه متقولنا
ولا أنت بقيت من ضمن المفقودين
طيب ذنبهم أيه اللي عليك
يروحوا لأهلهم جثث...متفحمين
بصراحه حال ميرضاش
حد ولا أي فصيل من الآدمين
وكل مره يقولوا زي ماحصل
لإخواتك هنحاسب..... المقصرين
وتعدي والشعب ضحيه لضماير
ميته بلا روح أوتحمل مسؤولية
مبيشغلوش نفسهم بأرواح ماتت
وبسببهم راحوا للأسف..... ضحيه
وكإنهم مأجورين علي
حياة كل مصري............ ومصريه
يارب هات حق كل مسكين راح
ضحية إهمال شخصيات غبيه
قصرت في عملها والنتيجه
أهي بصراحه تحزن وكمان مخزيه
ليست هناك تعليقات:
إرسال تعليق