( قفل التيك توك ) م/عبد الحميد سالم
باحلف باللي احنا على دينه
قطيعة النت وسنينه
والتيك توك والتيك توكر
تفاهة تخليك تشد الشعر
وتعض بحسرة ف الضوفر
بكلام هلس وقلة ذوق
وفجأة هوب نطوا لفوق
وركبوا ودلدلوا الرجلين
زي ام ساجدة وام مكة
وكأن حريمنا فتح عكا
قالوا اللايف بيجيب ملايين
وبعد حواري شبرا والمطرية
سكنوا فلل ف مدينتي والعلمين
ولعبوا بالفلوس لعب
بكلام هلس وكدب ف كدب
وأكيد وراهم سر دفين
لا تقوللي فسيخ ولا سردين
ولا سوزي اللي دعموها
عشان ف الثانوية جابت 50
ده مخطط وع البلد ناويين
يهدوها ويجيبوا راسها الطين
بغسيل أموال وتجارة اعضاء
بمحتوى كله فجور م الألف للياء
ويقتلوا ف شبابنا روح العمل والجد
وتبقى قددوتهم ناس تافهين
لكن بخطوة جريئة م الدولة
قررت تنضف محتواه
وتكشف حقيقته واللي وراه
ف تحية لرجال شرطتنا
اللي قامت ولمت التعابين
ف ياريت يقفلوا التيك توك
عشان نحمي
شبابنا لو جادين
ليست هناك تعليقات:
إرسال تعليق