. يا بحر
...
يا بحر
يا بحر .... ملوش نهاية
مجنون ؟ . إيه الحكاية
ليه نافر .. بطنك علينا
و القاع ..... بالع سفينة
..........
البحر دا طبعه يوماتي
غدار ... مع إنه حياتي
الموج يلاطم .... موج
وإن صارعته . يهزمني
..........
يا بحر
بشتاق ل غروب جنابك
وكمان ل نجوم سمائك
وحيوية نشاط شبابك
وبعشق سحرك وجمالك
..........
البحر دا طبعه يوماتي
يوم عالي ويوم واطي
وأنا أجري عليه وأقوله
حافظ على عُمر حياتي
..........
يا بحر
إنت عشقي في الشروق
ونبع إلهامي في الغروب
وحاسس بكياني ف الدروب
وعادل شطوح فكري في الكروب
..........
البحر دا طبعه يوماتي
مليان أسرار ب صفاتي
م الأرض .. حتى سمائي
خليك .. على عهد نجاتي
..........
يا بحر
الخوف راعب .. قلوبنا
لتميل وتقلب .... علينا
وتدمر .... أجمل مدينة
ونعيش أطلال .. ليالينا
..........
البحر دا طبعه يوماتي
فيه خيرات الدنيا بسِماتي
يفَرَق بين الليل والصبح
إن كان خير أو شر آهاتي
..........
البحر دا طبعه يوماتي
ناس يعطيها وناس بتهاتي
ناس ف القمة وناس ف القاع
أصل الرزق ... مش للطماع
..........
يا بحر ..... ملوش نهاية
مجنون ؟ ... إيه الحكاية
ليه نافر ..... بطنك علينا
والقاع ........ بالع سفينة
..........
تحياتي
مرسي محمد
٣٠ /٧ /٢٠٢٥
ليست هناك تعليقات:
إرسال تعليق