" بيت لقلبي "
----------------
لما كانت عايشة جنبي
كان لقلبي أحلى بيت
قلبها كان بيت لقلبي
وياما بالحب ارتويت
قلبي كان فرحان ببيته
وكان يقول فيه احتميت
والحياة كانت جميلة
نلت كل اللي اشتهيت
حبها كان أغلى حاجة
فزت بيها وارتضيت
****
لما كانت عايشة جنبي
كنت عايش في النعيم
وبرحيلها أخدت طعنة
طعنة كانت في الصميم
قلبي أصبح ماله مأوى
ربنا بحاله عليم
بقى مش قادر يفرح تاني
وحياته اتقلبت لجحيم
أصلها كانت حلمه الغالي
وفراقها.. كان جرحه أليم
--------------------------------
بقلمي؛ م/محمود الحريري
من ديوانى "كان لقلبي بيت"
ليست هناك تعليقات:
إرسال تعليق