🇪🇬لسه أكتوبر 🇪🇬 كلمات الشاعر/ علاء محمود

 🌼لسه اكتوبر🌼

كأن أكتوبر لسه شباب...

جاى يخبط ع الأبواب.. 

رغم بلوغه الخمسين...

جاى ولابس أحلى.ثياب...

.....

أصل أكتوبر مش تفاريح.. 

أو أغنية وفيلم بدور...

هو الصرخة وهو الريح..

وسط العتمة هو النور...

....

بايته قلوبنا فى فلسطين..

حتى لو بَعدتنا حدود...

نبض قلوبنا وضي العين..

اللي شبابها تمللي أسود...

....

يمكن تبقى الأمة ف نوم..

بين  القهر  وقلة حيلة....

لكن مهما خدتنا هموم...

قادر وحده يلم العيلة...

.....

 جالنا أكتوبر شايل فرحة...

ويفكرنا بالأمجاد...

جوه قلوبنا جناين طرحة...

لموا الشمل كفاية بعاد...

.....

شُفنا طوفان العزة وعشنا..

والأوغاد الرعب قتلهم ...

بكره

نحرر بيتنا بإيدنا.. 

ونحررها ونشردهم...

كلماتى علاء محمود