...*( حب زمان )*...
*********
الحب زمان كان كلمه
وقلوبنا بتغنيها
وعيون بتقول كلام
وهمسه نحس بيها
ونسيم الليل لو مال
اروحنا تميل عليها
والبدر فوق ف سماه
بياخدها ويطير بيها
والخل ان غاب عن خله
يسهر يكتبله جواب
مكتوب بدمع عيونه
بالحب واحلي عتاب
وياه منديل معطر
بيقوله انا قلبي داب
يستني اشاره منه
او يفتح حتي الباب
يتقابلوا بشوق وحنين
والحب شاهد عليهم
والبدر فوق ف سماه
بيحن برضه ليهم
والورد يميل علي غصنه
يحضنهم ويدفيهم
وقلوبهم سوا تتهنا
والفرحه تعود اليهم
الله علي حب زمان
وجمال كمان لياليه
لو واحد ليله طال
التاني يحس بيه
يبعتله بروحه كلمه
ويروح يسال عليه
وقلوبهم تاني تتقابل
وف حضنه بيخبيه
يا حلاوة حب زمان
وليالي اهل زمان
يتقابلوا ف اي مكان
يطرح ورد البستان
ويزدهم بالمحبه
يرويهم بالحنان
ياريت من تاني يرجع
الحب بتاع زمان
............
بقلمي/اسماعيل عبد الهادى ابوالعلا
ليست هناك تعليقات:
إرسال تعليق