"بيتنا الجميل"
-----------------
بيتنا الجميل..
قضينا فيه أحلى السنين
كنا بيه متعلقين..
كنا عايشين مبسوطين
ومرتاحين..
كان بيجمعنا سوا
وعرفنا فيه
طعم السعادة والهنا
فجأة.. لقينا نفسنا
عايشين في خيمة
ضاعت في لحظة
كل أحلامنا الجميلة
حتى أغاني الطير
كلها صبحت حزينة
ياطول ليالينا
سالت دموعنا من عنينا
هجموا علينا وحوش..
ينهشوا فينا
وبمنتهى الجبروت
نشروا الخراب والموت
في كل مكان حوالينا..
نهبوا أراضينا
قتلوا أهالينا
قدام عيون كل البشر
عاوزين ضهورنا تتكسر
بالمختصر....
الظلم عشش وانتشر
بس احنا مش خايفين
ومكملين..
حالفين نرجع حق
كل المظلومين
ونرجع البيت الجميل
اللي بيه متعلقين
واللي كنا قضينا فيه
أحلى السنين..
--------------------------
بقلمي؛
م/ محمود الحريري
ليست هناك تعليقات:
إرسال تعليق