🌹عتاب القلب🌹
. سجال عتاب للقلب
بقلم / ابراهيم شيمر الجندي ♡ Safaa Elkhawaga
ابراهيم
كان القلب زمان بيحارب
ولا يهـمه تـعـب وعذاب
بـعـد ماضاع العمـر وولى
قضى بقـايا العمر عتاب
بيزعل م اللىي يقول مالك
ويحسبه شـمتان ڪداب
صفاء
كان القلب زمان بيعافر
ولا بيهمه مكيدة وظلم
لكن ضعفه ..ولا مبالاته.
الآن خلوه بـاع الحلم
ابراهيم
لـما جـتنا زمـان كورونا
كنت جـامد عايش معانه
لـيه ياقلبي ناسي روحي.
وانـا روحىي معاك أمـانة
صفاء
لـيه نسلـم.. للـيالي
ڪـل قـوتنـا . العظيمة
يـلا حـاول انتصارك.
و إاسر الدنيا الجميلة
ابراهيم
عارف ياقلبي
لـما كات تتعـب عنـيه
كنت أجيب اللـوم عليه.
لڪـن أنتَ لـما تتعـب
ده انت ياقلبي اللي لـيا
صفاء
طبـطب عليه وارقـيه
مــن نـظــرة الحـساد.
واوعى ف يوم تـرميه
في سڪـة الأوغــاد
ابراهيم
عارف كمان ياقلبي
لـما اسـخـن او ادوخ
عمري ما أنام او أنـوح
لڪـن انت لـما تتعـب
يبقى من غيرك هروح
صفاء
حافظ عليه .. واحميه
من أي شيء ..يئذيه
ليه تبقى .قاسي عليه
بالفرح ..يلا لاقيه
ابراهيم
ابـداً عمرى ماكنت قاسي
ولا شيلته يـوم مآسي
دقـاتـه كانت نبض حنان
لـيه صبحت ياقلبي ناسي
صفاء
مبينساش القلب الفرحة
ولاينساش علامات القسوة
دادي النبض وخليه غالي
تلقى مزاجك دايما عالي
إبراهيم
ياما فرحته بحالي
شال عيالي وعيال عيالي
كان ينط جوا مني
لو شاف حفيد منهم قبالي
صفاء
يهدي له حاله.. يبارك فيه
يصلح شأنه وكل ما ليه
تبقى الدنيا جمال حواليه
وينور صبحه ولياليه
🌹سجال الشاعرين 🌹
ابراهيم شيمر
صفاء الخواجة
ليست هناك تعليقات:
إرسال تعليق