😥أصل الحكاية😥
مبقاش خلاص بح وخلص
كل المتاح .حبة هجص
على شيء محال وكمان ملص
***
أصل الحكاية كلها
غابت وماتت وانطوت
ويا الوفاء ضاعت
مودة وانقضت
راح مننا كل الجمال
أحقادنا هي اللي ابتدت
***
شايفين كتير م السيئات
إعصار وطايح بالوبا
لما القلوب بالفُرقة باتت
والغل ساد وكمان عَلا
رايحين لفين. مستبيعين
حاضنين جهنم والفلا
***
أخوات لحوا ويا آدم
والدم بينهم اندثر
جوه القلوب الكره عاش
الحب فينه يابشر؟
فوقوا بقى الدنيا زايلة
والحساب ح يكون عسر
😥بقلمي/ صفاء الخواجة 😥
ليست هناك تعليقات:
إرسال تعليق