تاه الحب
بقلمي/ عبدالحميد السماحي
ليه خلينا الحب فى وادي
واحنا فى وادي نقول آهات
لاتتعبني ولا تتعب قلبي
ياما غلبت عليك رنات
دمرت العشرة فضلت انادي
سقتني المر بكاسه ساعات
دبحت الود وهجرت مدادي
ليه اتغيرت فيك كل الصفات
كإني عرفتك فى يوم شاتي
مشفتش دفا حرقت الذات
تاه القمر فى وسط الوادي
عملنا حفلة وسط الذلات
بكى فيه الشمع وهو بيدادي
كان الرحيل مكتوب رايات
راية تقول ارحل بصفاتي
وراية تقول خليك للهمسات
هجرت القلم وتعبت حياتي
راحت من عينينا كل الرغبات
سيبني بحلمي وبحر حاجاتي
صبحت غريب يا ابو الحركات
ليه خلينا الحب فى وادي
واحنا فى وادي نقول آهات
بقلمي
عبدالحميد السماحي
مصر 🇪🇬 محافظة كفرالشيخ
ليست هناك تعليقات:
إرسال تعليق