بعد كل الحب ده خواطر
+++++++
بعد كل الحب ده قبلت تكون لغيري
كنت فاكره إن مافيش حاجه في الدنيا
ح تغيرك
لكن انت مليت من حياتك معايا
لما شفت واحده تانيه
قولت أجرب ونسيت انها صحبتي
للدرجه دي الحب عندك سهل تلاقيه
في اي وقت ومع أي ست
انا حبيتك بكل كياني كان صعب
عليا إنك تتغير وتنساني
عايزة أسألك سؤال فيه إيه مطلوب
مني أعمله اكتر من حبي واهتمامي
تفتكر من السهل عليا إني بعد ما
اكتشفت خيانتك أقبل بأني
أشوفك قدامي
انت سودت الدنيا في عيني
ومررت أيامي
مقدرش أغفر علشان أنا اتجرحت
وإنت صغرتني قدام نفسي واتهنت
ملاقيتش منك غير الجحود
وعمرك ما قدرت
وبقولك اتحمل لأنك اخترت
وأنا ح خرج من حياتك وقررت
ومع السلامة يالي قلبك نسيني
وبتداري غدرك بضحكه صفرا
وابتسامة
الحب خلاص انت ضيعته باديك
وأنا ماشيه وسيباك ومش ح بكي
يوم عليك
#سحر أحمد محمد
ليست هناك تعليقات:
إرسال تعليق