أغنية : أحلى فراق
كلمات الشاعر : السيد عطيه
------------ -------
روح أشكي قلبي للهوى
أهلا بيك ياأحلى فراق
سنتين بكى لما أستوى
قلبي وغير الجرح ماداق
خلاص كبرنا على خوفنا
والبعد عدل ف ظروفنا
لانشوفه تاني ولا يشوفنا
ولا نعرف كلمة أنا مشتاق
أهلا بيك يا أحلى فراق
--- -----------
قول لهوانا وأنت هناك
أمسح صورتي من ألبومك
إحنا مابينا تار وشباك
خليك بس ياسيدي ف همومك
وأرحم بقى من ظلمك فينا
فينا ياعيني إللي مكفينا
راحة بالنا ودمع عينينا
أحسن برضوا خلقنا ضاق
أهلا بيك يا أحلى فراق
------- ------------
كلمات الشاعر / السيد عطيه
مصر
ليست هناك تعليقات:
إرسال تعليق