جناح طيرك
بقلم محمد على عاشور
جناح طيرك بيوجعنى
و بيرفرف من الاهه و يتألم
و انا ساكت و بتألم على ألمه
و طير اخضر بيتبسم و شكله جميل
و جوه العش هربأنه بأمر العقل
و روحى ساكنة وياكى
فى قلب العش
تنام عينك
و ماتنمش عيون روحى
و مهما تغيبى عن عينى
و مهما تهربى منى
انا فاكرك
و مش ناسى عيون القلب
و غنوة هانى يتغرد
باعذب لحن
( و يا ريتنا نكون سوى )
( انا وانت و الهوى )
و تتبسم عنيك الحلوة م الغنوة
و م الأشواق
و من هانى
و من صوته اللى بيجنن
تعيش الغنوة جواكى
و تتردد
معاكى القلب يتنهد
و ما يفارقك و لا لحظة
و يطمن على طيرك
و يبقى يدق مع قلبك
و يتألم على وجعك
و يدعيله
و يدعيلك
تعيش العمر مطمن
على طيرك
يا اجمل طير
ليست هناك تعليقات:
إرسال تعليق