***** تعرف تحلم *****
تعرف تحلم انك ساكن جوه عمارة
فى قلب الجنة فى رابع دور
وتحتك ساكن واحد جارك
كان فى الدنيا فى نفس الدور
وان مراتك وشها نور
سبحان من صور صبحت حور
وان الشارع مافهوش دوشة
وضحكة جميلة صوتها يرن لعم سرور
كان فى الدنيا ماشفش الراحة
كان شقيان وعاش مستور
ساكن جنبه عم محمد بتاع الفول
قدرته سابها مش محتاجها الفقر يغور
بس خسارة فى عز الحلم لقيتنى فى علم
وان الواقع فارض نفسه حتى فى حلمى مش مجبور
لقيتنى فى بيتى ومراتى جنبى وابنى بيصرخ
وان فى حارتى قطع النور
قمت فى ثانية مولع شمعة وودانى سامعه بياع بيدور
ويطلع جارى و يصرخ فيه
حالقيها منك ولاالعيشة ولا المية ولاالنور
وعم محمد بتاع الفول جنبه القدرة وقاعد جنبه عم سرور
اما الكون زى ماهو لساه بيدور
********
ابراهيم على
ليست هناك تعليقات:
إرسال تعليق