زى ما يقول الكتاب
الجمال إحساس بياخدك
للحضور مش للغياب
لو هموم الكون تحاوطك
ينفتح لك ألف باب
بيضة جدا واللَّا سمرة
ساكنة "روكسى" واللا "غمرة "
أو سعادتك بالمغامرة
أو تعيش من غير حساب
دا الحَلَا مش فى الملامح
رقصة العود ال طارح
واللَّا فى الرمش ال جارح
أو كلام تلاقيه سراب
الحياة إنسان يعيشك
هوّ عقلك ويَّا طيشك
انت طيرُه وهوّ ريشك
يبقى فرْحك فى العذاب
الجمال رحمه وطَيَابه
بنت من طبع الغلابه
فى المحبة إحساسها عالى
زى ما يقول الكتاب
ليست هناك تعليقات:
إرسال تعليق