حلم بيموت كل يوم
وسط دنيا من الغيوم
حلم ، رميناه فى الغويط
قبل ما يعرف يعوم
حلم كان سهل و بسيط
تقدروا تقولوا .. عبيط
إننا نعيش الحياة
مستورين بحيطان و بيت
حلمنا الحلم البرئ
ييجى من أسهل طريق
بس تاه وسط الظروف
بين ملامة و آه و خوف
و انتهت بينا السنين
مطحونين ويا الألوف
دوقنا من مر الهوان
عشنا بين المجروحين
إشتكى منا الزمان
و احنا فيه متهمشين
كنا راضيين بالعذاب
نشتكى ورا كل باب
حلمنا أصبح سراب
و الزمن أصبح ضنين
#أحمدسيدأحمد
ليست هناك تعليقات:
إرسال تعليق