---- مراية ----
يامراية صارحينى وقوليلى مين فيكى
شخص غريب عنى ومش منى ولاليكى
يامراية مش صورتى قولى بلا خيبة
ده واحد غريب عنى وراسه اتملت شيبة
محبط وانا شايفه وواخد كمان دورى
وبيسألك زيى وكأنه من دورى
ياريت يغيب عنك وماينفرد بيكى
انا البعيد عنك وسنينى انتهت فيكى
يامراية لوناسية افكرك بهدوء
بشاب كان حابك وكنتى كلك ذوق
وبتمدحى بصورتى وحابة هندامى
كنتى مقصورتى والنجم ادامى
وكان الجمال فيكى والشباب منى
وكنت اشوف فيكى دايما ربيع سنى
دلوقتى غدارة وبتكشفى عمرى
لدنيا دوارة ماسكة زمام امرى
يامراية لوشايفة عمرى راح منك
وان الربيع فاتنى ومامناسب انا سنك
روحى اضحكى لغيرى وفرجيه دلعك
وبيعى واشترى فى شكله يبياعة والصور سلعك
-----------------
ابراهيم على
ليست هناك تعليقات:
إرسال تعليق