دايرة وجع
عايش أسير دايرة وجع
بتلف فيها وماتنتهى
محبوسه يادمعه ماترتجع
لجرح الخدود بتشتهى
صبر القلوب لو يوم نفد
هتوه معاك الأجوبه
ياقلبى يا كمالة عدد
جواك ألام متشعبه
ياصرختى وسط الأنين
يا دمع نابع م الجراح
ممنوع ياصوت الميتين
غيرك أدفن من غير نواح
أرضا بألمك ياجدع
ياعايش أسير دايرة وجع
سبحانه من خلاك جبل
شيل الجراح طبع الشدايد
دمع العيون ياأبو العلل
فيضان أنين مني وسايل
مقتوله يالحظة فرح
وجت زيارة بالغلط
يا نبض قلبى يابيت قديم
مهدوم مازال فيك اللغط
يادمعه ماتت بالوجع
ياعايش أسير دايرة وجع
بتلف فيها ماتنتهى
كلماتى إبراهيم الحداد
ليست هناك تعليقات:
إرسال تعليق