( إحشدوا الهمم)
بقلمى الشاعر/ محمد غبن
شاعر آل غبن
30/8/2020
إحشدوا الهمم وخليكوا جنبى
دا إنتم ولادى وأغلي من الننى
من زمان جدودكوا كان رجاله
كنت بحسها إنهم حته منى
وقفوا معايا قد ما قدروا بجد
كان رجاله متحملين مسؤوليه
عاشوا معايا وحاربوا المعتدين
صهيوني وأى مله بكل تضحيه
هم دول ولادي وحبايبي اللى
اتباهي بيهم قدام الدنيا ديه
وعشان كدا عايزاكم تكونوا منهم
تورثوا الروح
والدم اللي ف عروقهم
ساعتها هتكونوا
ولاد وحبايب أمكم
هتكونوا ساكنين جوا فى الوريد
وقت المحن والشده هتكونوا
سد منيع لاي غاصب مجرم عنيد
إوعوا ياولاد أنا ياما شوفت
ألوان من العذاب والوعيد
كانوا عايزين ينهبوا ارضى
ويخلوا ولاد ولادكم عبيد
خلي بالكم عدونا لسه
جواه وفى نواياه المكايد
كل شويه ضرب في جنودي ومكر
ليا وليكم خبث وأكيد هيعاود
إوعاكوا يوم تخافوا مهما كانت
قوته ربنا معانا وقلبنا جامد
خليكوا سندى وضهرى وقوتكم
تكون علي قلب راجل واحد
ليست هناك تعليقات:
إرسال تعليق