بحبك يا بلادي
يا مصر حبينا
وفى حضنك خبينا
داحنا ولادك يا مصر
فى عيونك ودينا
ما بلاش تقسى علينا
دا الحال مش بإدينا
يا أمي يا وطن
حطينك فى عنينا
بحبك يا بلادي
وانتى غاليه علينا
مش عاوز يوم اسيبك
مستني تراعينا
عارف انك قوية
وفى قلبك تساعينا
كل ترابك حنيه
بسمائك غطينا
شعبك يا مصر بحبك
وشباب الأمل فينا
معلش أنا إل بعاتبك
يا بلدي سامحينا
هما ولادك وانا ابنك
لمينا وحاوطينا
يا مصر انا ال بقولك
خيرك مكفينا
شمسك تدفينا
صوتك بيشجينا
جيشك بيحمينا
نيلك يواسينا
يا قلبى وفؤادي
حبك دا مش عادي
يا مصر يا بلادي
يا مهدده أعادي
بكره الأمل بادي
فى الدلتا والوادي
يا ربنا احميها
احفظها وراعيها
بقلم
محمدعبد الوهاب العيوطي
ليست هناك تعليقات:
إرسال تعليق