فرق السن
ربيع وخريف ب يتلاقوا
فى زمن الزِيف
كت أيامى بردانه فى عز الصيف
زرتيه كأنك ضيف
كأنك شمس جايه لى وراسمه لى
ب خيوطك حلم.. وكبر الحام أُدَّامى
خرج عن دايرة المألوف
وكت لَحظِتها أيامى..
نظرها ضعيف ومش ب تشوف
لَمَحت النور تَخَلَلها.. أمل جالها
ف طرد الخوف..
تاه خوفى فى دقة قلب
من تانى قدرت أحب
عفيف حبى ب لا رغبة
غرامك رَجَّع الأحلام.. ف رجعت دنيتى
شابة.. ومسكِت تانى فى الأيام
ب تِتزَوَّق و تتجَمِّل.. عِشمِت إنها تكَمِّل
ما دام القلب لسه شباب
ونسيِّت أبسط الأسباب.. نَسِّتنى فروق السن
فَلَت منى اللسان ب الغَصب...
نسيت شيبتى فى لحظة حُب
كنتى يوميها منِّى أحَنّ..
ما ب أنكرش أنى حبيتك..
ب رغم الشيب.. وفرق السن
د/نشأت عادل
ليست هناك تعليقات:
إرسال تعليق