غريق فى بحر الحياه
.............................
بما إني م الحرافيش
وشبعت م التلطيش
عايش ومش عايش
واخد على التهميش
...........................
وجودى فيه......آزمه
يعنى ماليش....لازمه
رامونى جنب الحيط
داسوووني بالجزمه
...........................
بقيت ياناس حااااله
على البلد.......عااااله
شب وشاااب شعرى
عايش فيها كماااااله
.........................
بالبيت بقيت جالس
وانا للعلوووم دارس
لابد من........واسطه
وعشان كده لااايص
.........................
آيوه ماليش وااسطه
أبويا كاااااان أوسطه
م الهم ماااااات بدرى
ساب م العيال دسته
..........................
سائت بنا الأحواااال
قالوا السبب إهمااال
إنت الوريث لأبوك
ورثت وقف الحاااال
...........................
كاتم دموعي وحابس
مين لظروفي لااامس
يامسؤلين دلووووني
لنور فى ليل دااامس
...........................
غريق فى بحر الحياه
رافع إيديه لمولااااااه
عليم وعاالم بحاااالي
من عنده هو النجاااه
...........................
#عبدالباسط_السياجى .
ليست هناك تعليقات:
إرسال تعليق