صعب أنساك
***&***&***
قالتلى ...
ما أنت خلاص نسيتنى
وبره قلبك رمتنى
ومبقتش تحبنى زى زمان
لما كان الشوق يكويك وتيجى عطشان
تطفئ شوقك و تخدنى بالأحضان
ولحظتها أشعر فى حضنك بالأمان
وأتمنى حضنك يطول
مع اللهفة والرقة والحنان
ما عشقك عايش فى كيانى
و صورتك مرسومة فى وجدانى
صعب أنساك
قولتلها......
انا مقدرش انساكِ
جوه القلب عايش هواكِ
لا بايدك ولا بايديا
حبنا حياة أبدية
لا اخترتك ولا اخترتينى
قلوبنا هى اللى اختارت
ومع هوانا احتارت
من أول لقا صدفة
لقيتك واقفة قدامى
سحرتنى عيونك وسهامك
ولقيت نفسى واقع فى غرامك
من أول لقا عشقتك وقريت إحساسك وهيامك
صعب انساكِ يا أرق إنسانة فى زمانك
***&***&***
سمير بحر
***&***&***
ذ
ليست هناك تعليقات:
إرسال تعليق