سافر حبيبىي
بقلمي/ عبدالحميد السماحي
سافر الحلو حبيب القلب
ابو ايدين بالخير بتصب
علشان يجيب الزينه ويعلي
ويعزم لفرحنا كل الشعب
قلبه قمر فى وسط الضلمه
كلامه دستور يتحدى الصعب
قلبي حبك صبحت البسمه
إنت القسمه من صغري بشب
سافر الحلو حبيب القلب
عمر الشمس ماعننا غابت
رحت تجاهد تتحدى الصعب
شلت حمولي بقينا واحد
يلا ياعمري بعادك صعب
شايله صورتك جوه النني
ريح باله وروحله ياحب
دمع عيني هيجنني
بركة ميه م الراس للكعب
سافر الحلو حبيب القلب
نفسك معايا بيلازمني
نور وإمام بيسد الكرب
مش شايفة إلا نورك إنت
بحر سعادة بحق الرب
على طيرتك إمته تجيني
أنا وسنيني الروح هتدب
كفايه ياشوق هتحرقني
ليه اسبقني بكل النبض
سافر الحلو حبيب القلب
شايفة الأرض طيور بتغرد
وورود بتمدد من عند الرب
خدودي يوم عن يوم بتورد
والعزول خليه على جنب
أهلك هما صبحم أهلي
نروح ونيجي تعالى ياقرب
عطشانة من بحرك اسقيني
دفيني هكون الأم وانت الأب
سافر الحلو حبيب القلب
بقلمي
عبدالحميد السماحي
مصر 🇪🇬 محافظة كفرالشيخ
أهداء إلى ابنتي الدكتورة زينب العرس المستنظر إن شآء الله فى شهر عشرة القادم
ليست هناك تعليقات:
إرسال تعليق