🌹الدنيا وأحوالها🌹
سجال للشاعر/ إبراهيم شيمر
والشاعرة/ صفاء الخواجة
*****
. ابراهيم
يادنيا ايـه جـرا ايـه
قلبك اسى ڪدا لـيه
سيـبـانـا في مـتاهة
خـلـيـنا فى الحسبان
قلبك اسى وخـربـان
وكرهـانه بصراحـه
صفاء
يادنيا مالك كارهــانـا
ومشربانا مرار وعذاب
ماتحني وتغيري حالك
حاسين معاكى إننا أغراب
ابراهيم
الــدنـيا فـيـها دروس
للي ناقـص لــه عـلام
فيها اللي ينـفـع إمام
وفــيها قـلـيل الكلام
وفيها إللي دايما يدوس
على الخلـــق ويـتكبـر
وفــيها ناس طـيبـين
عـلى كـتفـها بنـام
صفاء
دنيتنا فـيها .. الـعـبـر
اشڪال على ألــوان
أصيل يـعـيش الألــم
وخسيس يمده هوان
نأمل نكون فى الأخـرة
ساكنين قصور و جنان
ابراهيم
اضحك ياعم وسيبك
من الدنيا بـقى كفايه
الـهـم عشش فـيها
ماهى دايره ورحايه
ترفــع لئيم تـكرمـه
وسايبه الكريم تايـه
صفاء
سيبك منها دي دنيا غَرورة
والواثق فيها ده عريان
واعمل كله لآخرة جميلة
نسكن فيها مع العدنان
ونعوض كل إللي فايتنا
ربك قادر ده الرحمان
ابراهيم
اصل الـدنيا مالـيها امـان
للي تحبه تجيب له جنان
واللي يجرى وراها يـتـوه
مـن غير لــف ولا دوران
******
بقلم الشاعرة/ صفاء الخواجة
الشاعر/ ابراهيم شيمر
ليست هناك تعليقات:
إرسال تعليق