روتين ..........٢٠٢٣/٩/٢٨
طب اعمل ايه فى ناس فاكرة
علاقتنا تمام وبينا حاجات نادرة
وهى علاقة يدوب ماشية
على قشر البيض ميكسرش
من وقت كبير وموش فترة
حاجة مملة وعلاقة فاترة
وليه سيباها عايشة
وآيه تفرق اذا كان وجودها ما بياثرش
عايشة عشاني
ولا علشان منظر ادام الناس مظبوط
وما بينا فرق كبير بيزيد ما بيصغرش
تبان صافية ووبساطة تتعكر
الحقيقة حياة صعبة
ولا همك غير نفسك
وفعلا طلعتي حد ما بيتكررش
اقول روحي
تقولي روحى مبقتش قابلة
وكل حتة فيا ما بتصبرش
اقول روحي
دموعك تنزل دموع تماسيح
وقت الجد ما بترحمش
وبيحسدونا على الشمل اللى جامع بين جسدين
والحقيقة قلوبنا مابتكلمش
ومين يقنع مقتنع
ومين يبيع للي موش بيشتري
وان كان بيفهم فى الموضوع ده
كل الناس ما بتفهمش
كدبة عايشنها
ونمثل دورها بإتقان
وصدق حياتنا ادام الكل ما بيظهرش
#محمدلطفي_ابوالفتوح
#ابوبودى
ليست هناك تعليقات:
إرسال تعليق