"مخنوق"
------------
حاسس كأني غريق
مش لاقي بر أمان
ضايع في وسط طريق
وضباب في كل مكان
عايش في سجن عتيق
محبوس ورا قضبان
باسمع صريخ وزعيق
بيزلزل الأركان
***
مخنوق وحاسس كأني
تايه بدون عنوان
أحلامي ضاعت مني
وبقيت حطام إنسان
نفسي ف خبر يسعدني
ويخفف الاحزان
***
يارب دي حكمتك
أنا عبدك الغلبان
طمعان أنول رحمتك
انت الغني المنان
نور طريقي بقدرتك
حَصَّنِي بالإيمان
واوعدني ادخل جنتك
ياهادي يارحمان
-----------------------
بقلمي؛
م/ محمود الحريري
ليست هناك تعليقات:
إرسال تعليق