أجمل حب
فيه ناس تقول الحب
ده إحساس
وناس تقول عليه أنفاس
وناس تقول مع العِشرة كده
وخلاص
وانا اللي نبضي كان انتِ
وأنفاسي مع الإحساس
و إسمك بيجري فى وريدي
وشيلتك ع الجبين والراس
بعدتي ليه و سبتيني أعيش
الغربة بين الناس
وهنت عليكِ ياحبيبتي أعيش
ميت بلا إحساس
وهان شوقي اللي كان ليكِ
ما بيستناش
وكان بيسهر لياليكِ تبيع
الحب ليه ببلاش
بلاش البعد وخاصميني
ويكفيني نظرتك وخلاص
ولما تنظرك عيني هتحكيلك
عن عذاب بعدك ياأغلى الناس
هتحكيلك عن البسمة
اللي مرسومة بلا إحساس
ودمعة طالعة مألومة كأني
ضا
ربها مليون فاس
بتصرخ صرخة مكتومة
بتتحشرج مع الأنفاس
بتقول بجد وحشتونا
ياأغلى من الدهب والماس
بقلم الشاعر فهمى محمود حجازى
ليست هناك تعليقات:
إرسال تعليق