.*( سحر العيون )*.
**********
سحر العيون حلال
وعنيكي ....سحراني
وسحرك ليه مفعول
خلاني أقول ياني
شوفت بعنيكى الجمال
شوفت جنة محوطاني
أصل سحرك له دلال
دخل قلبي وحياني
**********
سحر كلامك برضه حلال
نغم حالم بيشجيني
صحى ف روحي كل آمال
وحلم يوماتي بيجيني
وكل كلمة وليها رنة
وبلسم شافي يداويني
أصل كلامك نغمة وغنوة
بيزود شوقي وحنيني
**********
حتي جمال الخطوة دي سحر
لما بتمشي وتتمايل
زي غزال ليك خصر نحيل
في كل خطوة تسوي هوايل
آه من سحر عنيك وكلامك
خلوني أروح لك وأتحايل
خف الخطوة وأنت معدي
سحر جمالك ملوش مثايل
**********
لو تسحرني عنيك وتسيبني
ده يبقي حرام
لو تحرمني سحر كلامك
راح الغرام
وان بعدت يوم و
نسيتني
ح اقول أوهام
وان رجعت تاني لحضني
نعيش في سلام
**********
بقلمي/اسماعيل عبدالهادي ابوالعلا
ليست هناك تعليقات:
إرسال تعليق