(سافرت امريكا)
كلمات الشاعر/سعيد الشبراوي
كُتِبَت فى31/3/2021
سافرت مرة........امريكا
شوارعها حلوة. فبريكة
وفى عز الجو ماهوحر
حسيت إني..... بردان
أنا مش بردان هوا ولابرد
أنا بردان حب ..وحنان
فينك يابلادي........ فين
بعدتي بدل الميل.. ألفين
أجيبك منين .. .ياوطن
يابلادي يا افضل..سكن
فين الأهل فين صحاب صِبايا
مكانهم باقي بين. ...الحنايا
فين ضحكي ولعبي وسمري
فين سمايا ونجومي .وقمري
بعدتنا الليالي والمسافات
وضاع العمر ومر..... وفات
والغربة لياليها ....طويلة
ومش بإيدي.....يا أصيلة
مفيش أي......... وسيلة
ولا عاد بإيدي............ حيلة
ياترى حرجع وطني.. تاني
دي امنيتي أنا مش ..... أناني
أشوف الأهل وأصحابي
وأزور الكل ..........واحبابي
وأسهر لقمرك...... ونجومك
مانتي حبيبتي وانا محبوبك
يا وطني ياكل..... حياتي
وإني أرجعلك دي كل امنياتي
ليست هناك تعليقات:
إرسال تعليق