#هاطبطب_بنفسي
هاطبطب بنفسي على نفسي
و واسي الجرح جوايا
ومين يا نفسي بقى غيرك
يقول لنزيفي يا نزيفي كده كفاية
بَداري الجرح عن ناسي
وعن أصحابي و اللمة
ومين بالذمة راح يقدر
يشيل الهم ده معايا
ومين يقبل يكون واسطة
يخلي الجرح له نهاية
يا نفسي تسمحي ب فسحة
وتيجي ف حضني نتمشى
و أملا كفوفي واسقيكي
عصير الصبر
و نحفر قبر لهمومنا
و ندعي المولى يرزقنا
الراحه بوسع الصدر
عصام رمضان جمعه
ليست هناك تعليقات:
إرسال تعليق