انتِ جايالي في ايه
انتِ جايالي في ايه
انتِ ناسيه عملتِ ايه
ده انتِ ياما ظلمت فيً
والحنان رداه آسية
ودمع عيني شاهد عليا
ياما كنت باسعد وادادي
شبعت قلبك من ودادي
وسقيتك من شهدحبي
كنت عنوان التحدي
وقولتي إنك ليا وحدي
كنت ليكِ كل حاجه
وكنتِ ليً أحلى غادة
كنت غارقانة ف سعادة
حبي ليكِ كان زيادة
كنتِ غارقانه ف همومك
وأنا كنت بر رسيت فيه
كنت شطك للأماني
كنت حلم وبتعشيه
روحتِ بايعة كل حاجة
حتى قلبي والسعادة
كنت فاكرك هتصونيه
هو قلبي عملك ايه
طب حناني والمحبة
ولا دمعي ع المخدة
اللي كانوا خايفين عليك
انتِ ناسيه والا ايه
طب آسيتِ قوليلي ليه
لو لاقيتِ قلب تاني
يملا قلبك بالأماني
روحي يلا واسكنيه
بكره يجني اللي جرالي
وييجي يومه وتبعيه
روحي يلا للأماني يااللي
قلبك عاش أناني
واوعي تفتكري لثواني
لو رجعتِ يوم لقلبي
هتلاقيه
انتِ جايالي في ايه
بقلم الشاعر فهمى محمودحجازى
ليست هناك تعليقات:
إرسال تعليق