🪶كراكيب🪶كلمات الشاعر/ علاء محمود

 🌼كراكيب 🌼

قَلّبت ف الكراكيب...

طَلّعت كام ضحكة...

رسمتهم ع الوش...

فى عتمة السكة....

.....

يا موزعين الهموم..

زودتوا ف منابي...

منين أجيب النوم...

في بُعد أحبابي...

.....

عاشق ومالي حظ..

واللي عشقته خان..

 كان غالي كان الأعز...

طلع  الملاك إنسان...

....

حبيته فوق الوصف...

ما صب وإداني...

غاب عن هوايا ولف...

ووصفني بالجاني

...

.....

أصل الحكاية ورد...

كانت ف أولها...

حَلّفوا يصونوا العهد..

خانوا ف أخرها...

......

.فى الحب يا ما قلوب...

حبت ولا طالت...

لا هان عليها تتوب...

ولا من الجراح طابت..

كلماتى علاء محمود