"قطر العمر"
---------------
ياقطر العمر قربنا
ووصلنا محطتنا
محطة أخيرة في حياتنا
عن الدنيا هتبعدنا
هناك هنكون مع خلان
زمان رحلوا وفارقونا
وكان طيفهم في كل مكان
وفي الأحلام يزورونا
ياقطر العمر قربنا
ووصلنا محطتنا
ياقطر العمر ركابك
في رحلتهم بيتناطحوا
وينسوا إن أبوابك
في كل محطة يتفتحوا
وينزل ناس ويطلع ناس
وناس بتكمل المشوار
لحد ماتنتهي الرحلة
بدون تنبيه ولا إنذار
ياقطر العمر قربنا
ووصلنا محطتنا
محطة أخيرة في حياتنا
عن الدنيا هتبعدنا
----------------------------
بقلمي؛ م/محمود الحريري
ليست هناك تعليقات:
إرسال تعليق