🌹عدى وفات🌹
لسه امبارح كنت معاه
حب وشوق وليالي ملاح
نجري ونلعب ونعوز بكره
ييجي بفرح وكله نجاح
***
كنت أحكي له أنا عن أحلامي
عن تحقيقها ف قلب هواه
كان بيطمن قلبي وروحي
إنه معايا وأنا... وياه
***
دايما كان يهاودني ويسمح
إني أسابقه ف كل نزال
فجأة لقيته اتأخر حاله
بقى يعاتبني وكله هزال
***
مرة ندهني وقالي تعالي
أنا مبقتش خلاص خيال
عمري أتقدم وكمان ضعفي
بان ومواجعي ف كل مجال
***
أنا من خوفي قعدت أسمع له
أصلي نسيت وده عمره ساعات
واتمنيته يعود .. يرجع لي
ليت شبابي ما عدى وفات
***
🌹بقلمي/ صفاء الخواجة 🌹
ليست هناك تعليقات:
إرسال تعليق