لما سبنا طفولتنا قولنا لها .
اكيد راجعين .
حنقضي يومين وحنجيلك
ما هو احنا لايامك
والله عاشقين .
قابلنا شبابنا وسألنا
هو أنتم
ليه تايهين.
وقال تعالوا معايا
وحتشوفوا بجد
احلى سنين .
سمعنا كلامه
وقضينا معاه.
يدوب سنتين .
ومرت ايامنا وليالينا .
وادينا اهو
عايشين .
شوفنا فى دنيتنا العجب .
وعملنا روحنا
مش شايفين .
وقابلنا ناس حبناهم .
وطلعوا لعشرتنا
ناكرين .
وناس تانين قابلناهم
شايفين الظلم .
وعليه ساكتين.
زهقنا بجد قولنا
نرجع لطفولتنا .
وكان وقتها مالينا
الحنين .
رد الزمن علينا .
وقال هو انتوا لسه
مش فاهمين .
اللي مر عليكم ده عمركم .
فاكرين كم سنة عشتم .
ولا لعمركم
كمان ناسيين .
عتاب الزمن ❤️
#سمر_الباز
ليست هناك تعليقات:
إرسال تعليق