حتى ان ماكانش معاك
ورق ولا قلم
مالكش حِجة مادام معاك
في ايديك علم
وكفايه تطلع بس فوق
من أعلى قمة في الهرم
وتقول لمصر تحيا مصر بأعلى صوت
والصوت يرفرف بالعلم تصحى الأمم
تهتف وحتقول من هنا كتب التاريخ قصة وطن
منقوشه نقش ع المعابد والحيطان
والعمر أطول حتى من عمر الزمان
من قبل حتى ما اخترعوا الكتب
يعني احنا جينا والتاريخ جه بعدنا
والصفحة الأولى في التاريخ من عندنا
كتبتها مصر بنفسها وبإ
سمنا
من يومها واحنا حافظين التاريخ
من يومها واحنا حاضنين العلم
وحب مصر ف دمنا
مش ع الورق ولا بالقلم
مجدي الشيخ
ليست هناك تعليقات:
إرسال تعليق