( فكر٠٠تلاقيها٠٠صح)( الغريب)
ياللي عايز تبيع المية
في حارة السقايين،
قبل ما تدخل حارتنا
عرفنا بنفسك الأول
إنت مين؟
ده احنا في الأول والآخر مصريين
مش جايز هواك يوافق هوايا
واقولك تروح فين وتيجي منين؟
و نمشي مع بعض
خطوة خطوة
والضحكة تحلو بينا
احنا الإتنين؟
ده الغريب مهما كان
ناصح ودقيق
لازمله مرشد ياخد بإيده
ويكون له الناصح الأمين
ويحطه في عنيه الإتنين،
ما تكلم يادي الغريب
ساكت ليه؟بتفكر في إيه؟ولا كلامي تقيل عليك؟
على فكرة أنا مش رغاية
وبكلم كتير
وبرغي حواديت بدون تفكير،
الحكايةإحنا بتوع الحارة جدعان أوي
يصعب علينا إللي
عايز يقول وميكلمشي،
واللي عنيه ماليانه
حاجات ومبيعبرشي،
والكلام متحجر على
لسانه وميقلشي،
إنت نسيت احنا زي
بعض مصريين؟
همنا واحد
فرحنا واحد
واللي بيشغل بالنا
هدف واحد٠٠
أسامه عبد العال
ليست هناك تعليقات:
إرسال تعليق