...... (( مين اللي قال دا الصلح خير ؟؟ ))
مين اللي قال الصلح خير
دا الصلح هو الخير نفسه
يا رب حوش الخصام بينا
يا ريتنا حتى ما نسمع اسمه
دا الصلح شجرة فواكه
كفايه لو مشينا ف ضِلِّه
رجع الحبيب من تاني
كان على وشك ينساني
وحياتي وحشني حضنه
ياما سقاني الحنان منه
ما عمري ابدا أنسى
ياما قدم لي من فضله
معقول ...
حد ينسى عنوانه ؟؟
جالي الحبيب وقال لي
تعال دا انت اللي ليا
هعوضك أيام الخصام
فداك روحي وعنيه
سامحته وسامحني
وغفر لي كل ذنبي
وقال لي كلام حلو
دا انت سمايا وأرضي
تعال نعيش الأيام
وننسى كل الآلام
دا انت حبيبي من زمن
حبيبي من صغر سني
مين اللي قال الصلح خير
دا الصلح هو ..الخير نفسه
يا رب حوش الخصام بينا
ما عايزين حتى نسمع اسمه
بقلمي// رمضان محمد محمود
ليست هناك تعليقات:
إرسال تعليق