سجال دويتو
بقلم م. محمود الحريري
أ. صفاء الخواجة
🍁"معقولة"؟ 🍁
م. محمود
معقولة ياعالم تضحك لي
البنت الحلوة القمورة
أ.صفاء
ضحكت لك أيوه وبصت لك
ياجمال القُصة على القورة
م. محمود
ولما تعدي قصاد مني
ألاقيها أجمل شحرورة
أ. صفاء
ماهي جدعة ودلوعة وحلوة
وشقية البت السنيورة
م. محمود
وبسرعة ياناس تدخل قلبي
وعنيا بحسنها مبهورة
أ. صفاء
لو عايز تعرف عنوانها
ح ترد بعينها المكسوفة
م. محمود
معقولة ف لحظة بتسحرني
وبسرعة أدوب في السنيورة
أ. صفاء
أصلها ببساطة ح تفهمها
دي جميلة ماكانت مغرورة
........
م. محمود
معقولة بسرعة ارتحت لها
واطمن قلبي بضحكتها
أ. صفاء
معقولة واكتر ياشاعرنا
دي مزايا البنت الأمورة
م. محمود
قلبى من مدة قفل بابه
واتفَتَح الباب لما رأيتها
أ. صفاء
الأصل الطيب.. رباها
ع الرقة كأجمل عصفورة
م. محمود
ونسيت الحزن وأيامه
والقلب رقص على خطوتها
أ. صفاء
مش راجع تاني لاحزانك
وحياتك تصبح فرفوشة
م. محمود
معقولة تكون هي نصيبي
وتنور دنيتي بوجودها
أ. صفاء
معقولة واكثر ودليلك
الأصل ده أحلى من الصورة
--------------------------------
بقلم
أ. صفاء الخواجة
م/محمود الحريري
ليست هناك تعليقات:
إرسال تعليق