سجال دويتو بقلم الشاعر د. سمير خليل
والشاعرة أ. صفاء الخواجة
.💓كفاية مرار 💓
أ. صفاء
إعتب على قلبك مع قلبي
وكفاية هزار..
ولا عهد ح تحفظ ولا فاكر
للوعد قرار
💓💓💓
د.سمير
لا تعاتْـبيني ولا أعـاتبك
دا العَــتَب على الأنظار
لا شايفُه بالِي ولا بالك
وبس يعلمها.. ربنا الستار
أ. صفاء
كفانا عوازل وبتسحر
بالدوي ودان
لا قلوبنا حسدهم تستحمل
ولا كتر هوان
💓💓💓
د. سمير
حنفَلْفِل العَوازِل ولا نتحسَّر
وودانَّا تصَدَّر ليهم الطَّرشَه
ونعوذ بالله من حَسَد يِشْتَر
دا على مَـيِّة الغَـرقان قشَّه
أ. صفاء
إعتب على قلبي وفكرني
بعذابي معاك
وبكسرة روحي واشجاني
طول م أنا وياك
💓💓💓
د.سمير
كسْرِة الرُّوح من الشيطان
عذاب بلا أعذار
نخَـللي دايما قلبِنا عَمران
بالحب العَمَــار
أ. صفاء
إعتب ..على قلبي إللي آمن لك
ليه أسامح و أنسى وأغفر لك
تئذيني .ف مُر.. تدوبني
وأرجع من تاني وأشوف منك
💓💓💓
د.سمير
القلب المِسامِح قلب كبِير
ويا بَخْت مِن سامِح
دا العَفو مِلك أدِين الأمِير
أعلى مِنِ المِتْسامِح
أ. صفاء
مش ممكن أرجع لغرامك
ولا عايزة الجنة إللي ف دارك
سايباك ولا دمعي ده يغلبني
و ح أسيبك تشرب من نارك
وكفاية مرار
💓💓💓
أ. صفاء
الجنَّه العَفْو ليها مفتاح
ونخللي الدَّمع غلَّاب
نناجِى بيه ربِّ السَّماح
وعلى الله الحِـساب
****
بقلم أ. صفاء الخواجة
دكتور. سمير خليل
ليست هناك تعليقات:
إرسال تعليق