"كل مااقول حَرَّمت"
----------------------------
أنا كل مااقول حَرَّمت
وخلاص بطلت أحب
تلاقيني ف لحظة وقعت
والسهم رشق ف القلب
...............
لو قلت لقلبي كفاية
وتعالى نروح لبعيد
وبلاش ندخل في رواية
أو نبدأ حب جديد
ألاقيه بيرد عليا
ليه بس عاوزني وحيد
....................
أنا مرة حكيت مع قلبي
أنا أصلي معاه باتْعاطف
قلتله لو رمش معَدِّي
إعمل نفسك مش شايف
وامشي بسرعة ولاتهَدِّي
إوعي تهزر وتلاطف
قام رد عليا وقاللي
جوايا شعور وعواطف
..............
أنا عارف قلبي كويس
بيصحصح لما يحب
ويزرجِن قوي ويتربس
لو يهرب منه الحب
راح اسيبه يحب براحته
لو فكر تاني يحب
َََ----------------------------
بقلمي؛؛
م/ محمود الحريري
ليست هناك تعليقات:
إرسال تعليق