"خفة دمك"
----------------
خفة دمِّك ملهاش حد
ومفيش أطعم منِّك حد
ياللي مفيش زيِّك في الدنيا
جوه عيونِك سحر بجد
شفت جمالِك تُهت ف ثانية
ياللي خدودِك زي الورد
خفة دمِّك بتدوخني
وكل كلامِك زي الشهد
كلمة قوليها تريح قلبي
وتدفيني في عز البرد
سيبي إيديكي حاضنة إيديا
وأنتي تلاقي معايا السعد
خفة دمِّك شئ مش عادي
وعليكي ضحكة مش على حد
خفة روحِك حاجة جميلة
خليتني لحبك باتْشَد
ممكن اروحلِك آخر الدنيا
لو حتى هتوصلي للهند
وأقطف كل ورود العالم
لَاجْلْ اعمِلِّك أجمل عقد
------------------------------
بقلمي؛؛
م/ محمود الحريري
ليست هناك تعليقات:
إرسال تعليق