( توهان )
ركبنا موجة التوهان
لا وصلنا لأهدافنا
ولا فاكرين ركبنا منين
نسينا خريطة العنوان
م تيجي ننط ونزوغ
ونعمل فيها ناس جدعان
ولو توهنا متفرقشي
ادينا بنكمل التوهان
خلاص الوقت مات .. انساه
معدش ساعات بنحسبها
ولا أيام
ولا فارقه نقول :
كنا وكان
ولا أيامنا حلوه زمان
خلاص ضعنا
ومش حاسين بأوجاعنا
عشان مات الأمل فينا
وضاعت كل أمانينا
ملناش غير طريق واحد
نصلي لربنا وندعي
ينجينا من التوهان
خالد سعد
ليست هناك تعليقات:
إرسال تعليق