. بدون هري
!!!!!!!
أيها الإخوة و الأخوات
بدون هَري و حكايات
الكلام ممنوع ف الصالات
وفي الشوارع والحارات
أو الميادين والصالونات
و المتاح شَكَر و اُشكر
في صُناع المهرجانات
ويشغلوك بقصص وحوادث
و هي في الأصل إشاعات
و ناس تجادل وناس تحاور
و إنت شجع كل الماتشات
و ناس تشتم في الأهلي
و ناس تتكالب ع الحفلات
و ناس تحفل ع الزمالك
علشان تلتهب المناقشات
و محدش يقرب م الحرية
لأنها محبوسة ف البرطمانات
ومحدش يجيب سيرة الفساد
لأن عيلته جامده ف الساحات
و ناهيك عن الأخلاق والتعليم
و شباب بتدمن المخدرات
و أطفال بتتغذى من الزبالة
بلا مأوى بلا سكن بلا حجرات
و كمان عن الصحة و التشغيل
لا تقول شباب عاطل ولا شابات
ولا تقول الكبير تعبان ده مريض
محروم من العلاج و المعاشات
دول خط أحمر حاسب لتطير
متتكلمش و اِمنع الإنتقادات
خليك عايش ع الطبل والتذمير
وكلامك يكون هايف بلا ضمير
كلام مايع ملهوش أي تفسيير
وإن طلبوا منك بحث أو تقرير
امدح و قول فيهم مواويل
هي الحكاية كده هزار بألم
وضحكه مليانه وجع جد عليل
من فقر وقهر وعجز وذل ذليل
والحل تتظاهر بعيشة كيوت
وترضى وتصبر والحل من الله
وقاوم الاكتئاب وقلبك المكبوت
وبمشيئة الله وإذنه فرجه قريب
مأمول ....... محتوم
لأن عن الحق مش مسكوت
********
تحياتي
مرسي محمد
ليست هناك تعليقات:
إرسال تعليق