باختصار
باختصار ليه بنهدم
فى الجدار
تعالى هنعشها بحب
ونبعد عن كل الشجار
خلي صاحبك أو زميلك
زي أخوك مش هزار
وارسم البسمة ف لقاه
حتى لو جواك مرار
واوعى تاخد كلمه منه
وتداولها زي نار
نقل كلمة أخوك يقولها
لك بطيبة أوهزار
ليه تاخدها بشكل تاني
وتزود بيها الشرار
لو حكيتها هي هي بس
بالصورة الجميلة تبقى بار
يعني مخلص للزمالة
وده يعلي من مقامك
مش تزود فى الحوار
خلي قلبك ع اللي جنبك
واوعى تهدم فى الجدار
ده الجدار لو بالمحبة
والطيابة يعلى دار
يبني أبراج السعادة
والمحبة تكون شعار
دي المحبة والطيابة مش
هوان أو انكسار
دول أساس كل ازدهار
يبنوا قصر من السعادة
ويجعلوا من الكون عمار
بقلم الشاعر فهمى محمود حجازى
ليست هناك تعليقات:
إرسال تعليق