#ما انا_قولتلك
أشرب يا قلبي وانكوي
خليك تفوق من غفلتك
سلمت ليها وقلبها
رافض يهوب نحيتك
ما انا قولتلك .......
خليك بعيد عن حبها
تسهر ليالي ف عشقها
وأميرة هي ف قصرها
ازاي هتسكن غرفتك
ما انا قولتلك........
عاجبك أوي بقى خصرها
والخفه باينه ف دمها
كل العذاب دا ف حسنها
من نظرة واحدة هزتك
ما انا قولتلك ........
أجمد يا قلبي بلاش ترق
انت ضعيف مش حمل دق
وهي فيك أهي نازله زق
وغاويه تتعِب مهجتك
ما ا
نا قولتلك .........
أوعى تاخدها لك طريق
لا هتبقى عين و تبل ريق
ولا سانده لك في وقت ضيق
دي رافضه تمشي في سكتك
عصام رمضان جمعه
ليست هناك تعليقات:
إرسال تعليق