"عرفت الحب"
----------------------
أول مرة عرفت الحب
يوم مالقيتها بتضحك ليا
فرحت روحي ورقص القلب
علشان كانت عينها عليا
أول مرة القلب يدق
لما عنيا جت في عنيها
أصلها كانت حلوة بجد
كلها خفة ماشاالله عليها
زي جمالها مشفتش حد
قلبي خلاص اتعلق بيها
علشان أول مرة يحب
قبل مااشوفها كنت غريق
داخل بحر ملوهش قرار
جوه ف قلبي نار وحريق
خلت ليلي كأنه نهار
تصرخ روحي ونَفَسي يضيق
حاسس جوه الحلق مرار
علشان عمري مادُقت الحب
لما القلب وقع في الحب
شفت الدنيا بشكل جديد
ولقيت نفسي باعوم وباقب
روحي تغني وقلبي سعيد
وهاعيش ويا حبيب القلب
عمري ماهرجع تاني وحيد
بعد مادُقت حلاوة الحب
--------------------------------
بقلمي؛ م/ محمود الحريري

ليست هناك تعليقات:
إرسال تعليق