إياك تفكر انك ملكتني
بحته ورقه
ممكن أيوه تملك قلبي
يوم ماتعاملني برقه
زوجه معناها شريكه
في السعاده والمشقه
لو هعيش معاك في قصر
أو في شقه
ولو يميل الزمن بينا أكون سعيده
لو أكلها معاك بدقه
مش معنى اني أكون زوجه
أبقى ملكك مستحيل
الإسلام محى العبوديه
بأمر رب جليل
أنا جيت بيتك بكلمه
بشرع ربي و سنة الرسول
لجل ما نبقى عيله
و أنا مسؤله و أنت مسؤل
نعمر الأرض بإيدينا
وييجي جيل يخلف جيل
إياك تفكر انك ملكتني
بحتة ورقه
ممكن أيوه تملك قلبي
يوم ماتعاملني برقه
(((أسامه جديانه)))
ليست هناك تعليقات:
إرسال تعليق